CHILDEBERTUSI

CHILDEBERTUSI

Parisiorum Princeps, A. C. 516. Secundogenitus Clodovei I. ex Clotilde, Regnum Parisiorum obtinuit a Patre. Huic cum fratribus primo non optime convenit, a Matre tamen lis sopita, ut de Sigismundo et Gondemaro, Burgundiae Regibus, ob caedem avi vindictam sumerent. Rumore mortis Theodorici fratris auditô, Arverniam ingressus, mox videns falsum illum, et fratrem victorem redire, retrocessit, ac in Alamarichum Gothorum Regem, sororis suae Clotildis maritum, bellum movit, victorque victum obtruncavit, quod Clotildem ipsam virgis et verberibus, ob cultum Orthodoxae fidei, quottidie incesserer, A. C. 531. Sui etiam fratris Clodomiri filios pupillos et clientes suos ad se venire iussos interfecit, ut eorum patrimoniô potiretur. Mox et cum Clotario fratre, Rege Aurelianensi, in cuius gratiam in horum necem consenserat, aliquid litis habuit, ob successionem Theobaldi, fil. Theodeberti, fratris utriusque nothi. Sed rursus uniti Saragossam in Hispania obsederunt. Inde redux obiit A. C. 558. regni 47. nullô fliô relictô. Aimoin. l. 2. Volaterran. Gregor. Turonens. l. 3. et 4. Procop. l. 1. bell. Goth.